Estad Concorde Antoine Tassy : ann bati estad rèv nou an ansanm

Champion Football Club lanse yon gwo pwojè : bati yon estad foutbòl debaz ki pral kay rèv ak espwa jèn talan ayisyen yo. Plis pase yon teren, se pral yon kote pou devlope tèt yo, sou plan pèsonèl, sosyal ak espòtif.

Lajan n ap ranmase a pral sèvi, ak tout transparans, pou konstriksyon estad la, pou achte bon ekipman ak pou antretyen l pou l ka dire.

Ou ka ede nou lè w fè yon don, lè w patisipe nan aktivite nou yo, lè w vin patnè oswa lè w parennen yon pati nan estad la. Gade pwojè a ak kijan pou w kontribye.